Иттер жеке аумақтан шығып кетіп, өтіп бара жатқан адамдардың көз алдында балаға тап берген. Куәгерлердің айтуынша, екі ер адам араша түсіп, зорға дегенде баланы иттердің аузынан алып шыққан.
Бала ауыр жарақат алған, құлағы жыртылып кеткен, денесінде көптеген тістеу іздері бар. Қазір ол жансақтау бөлімінде жатыр.
Баланы құтқарып қалған жергілікті тұрғынның бірі питбульді атып өлтіруге мәжбүр болған. Ал иттердің иесі өз кінәсін мойындамай отыр.
Алматы облысы полиция департаменті кәмелетке толмаған балаға абайсызда ауыр дене жарақатын келтіру фактісі бойынша қылмыстық іс тіркелгенін хабарлады.
Қылмыстық іс тіркеліп, сотқа дейінгі тергеу жүргізілуде. Қазіргі уақытта куәгерлерден жауап алынып жатыр, оқиғаның барлық мән-жайын жан-жақты, толық және объективті анықтауға бағытталған тергеу амалдары жүргізілуде. Тиісті сараптамалар тағайындалды, олардың нәтижелері бойынша процестік шешім қабылданады”, – деді полиция BAQ.KZ тілшісіне берген жауабында.
Сонымен қатар оқиғаға қатысы бар оңалту орталығының лауазымды тұлғаларының әрекеттеріне де құқықтық баға берілетін болады. Заң бұзған барлық тұлғалар қолданыстағы заңнама аясында жауапкершілікке тартылады.
PS. Полиция азаматтарға жануарлар болуы мүмкін қоршалған аумақтардың маңында абай болуды ескертті.
Фото: kafanews
