9 жастағы қыз бен 38 жастағы ер адамның өмірін қиған Ақтөбе облысындағы қайғылы оқиғаның егжей-тегжейі белгілі болды.
Бұған дейін мектеп оқушысы ойын кезінде құдыққа құлап кеткені, көршісі оны құтқаруға тырысқаны туралы хабарланды.
38 жастағы Нұрбол Бердіғалиев – күрес жаттықтырушысы және алты баланың әкесі, ол құдыққа құлаған қызға көмекке асыққан. Ер адам құдыққа түскен, бірақ қайта шыға алмаған. Байғанин ауданының әкімі Айбек Көпеновтің айтуынша, екеуінің де өлімінің алдын ала себебі — газдан улану.
Құтқарушылардың көмегімен бала мен ересек адам құдықтан ес-түссіз күйде шығарылды. Аудандық төтенше жағдайлар қызметінің мамандары шұғыл түрде алғашқы медициналық көмек көрсетті. Алайда қабылданған шараларға қарамастан, екеуі де қайтыс болды, – деп хабарлады Ақтөбе облысы ТЖД.
PSҚазір оқиғаға қатысты тексеріс жүргізіліп жатыр.
Фото:freefik.com
