Бұл — тұрақты даму мен тұрмыс сапасын жақсартудың маңызды бөлігі. Бұл туралы бүгін Өңірлік коммуникациялар қызметінің ақпарат алаңында аудан әкімі Ардақ Ибраимов айтты.
— Әлеуметтік салада жақсы өзгерістер бар деп айтуға толық негіз бар. Ағымдағы жылы жалпы жұмыссыздық деңгейі 4,8 пайызды құрады, жастар арасында бұл көрсеткіш шамамен 4 пайызды құрап отыр. Ұлттық жобалар аясында 16 жоба арқылы 160 адамды жұмыспен қамту жоспарланған. Қазіргі таңда 7 жоба бойынша 95 адам жұмысқа орналастырылып, бұл жоспардың 59 пайызын құрайды. Ауданда әлеуметтік жағдайы төмен отбасыларға арналған қайырымдылық шаралары тұрақты түрде өткізіліп келеді. Бұл жұмыстар осал топтарға қолдау көрсетіп, олардың өмір сапасын жақсартуға бағытталған. Жұмыссыздықты төмендету және тұрғындардың экономикалық белсенділігін арттыру үшін кәсіпкерлікті қолдау және жаңа бизнес бастамаларын дамыту басты басымдыққа ие. Аудандық билік осы бағытта нақты шараларды жүзеге асырып, тұрақты жұмыс орындарын ашу үшін күш салуда, — деді аудан әкімі.
Өңірлік Коммуникациялар Қызметі
