Мәжілісте аудандық экономика және қаржы бөлімінің басшысы Бахытжан Жарылқап 5 айдың қорытындысымен көрсеткіштердің орындалуы мен қаржыны игеру бағытындағы жұмыстарды баяндаса, аудандық мемлекеттік кірістер басқармасының басшысы Абай Қайрбаев салық базасын ұлғайту, жергілікті бюджет түсімдерінің резервтерін анықтау бойынша атқарылып жатқан жұмыстар бойынша баяндады.
Баяндамашылардан кейін аудан әкімі ауданның әлеуметтік-экономикалық дамуы өңіріміздің негізгі көрсеткіші болатынын айтып, қазынадан бөлінген әр теңгені тиімді пайдалану мен бюджеттен бөлінген қаржыны заңдылықтарға сәйкес дер кезінде және тиісті мақсатта игеру басты міндет екенін айтты. Осыған сәйкес аудандық статистика басқармасымен, жауапты орындаушылармен бірлесіп, әрбір көрсеткіш бойынша оң нәтижелерге жету үшін уақытылы талдау жасау жұмыстарын жүргізуді тапсырды. Сонымен қатар басқа да жауапты басшыларға жауапкершілік танытып, өздеріне тиесілі жұмыстарды жүйелі түрде жүргізуді ескертті.
Мәжілісте аудан басшысы «Туған жерге тағзым» акциясы аясында сыртта жүрген кәсіпкер жерлестерді жергілікті жерге тіркету бойынша жұмыстарды әлде де жандандыру қажеттігін және барлық кент, қала және ауылдық округ әкімдері мен аудандық полиция бөлімі мемлекеттік кірістер басқармасымен бірлесе отырып көлік салығы бойынша берешектерді өндіру жұмыстарында жеделдетуді жөнінде тапсырма берді.
Жиын соңында аудан әкімі Мемлекет басшысының бастамасымен қолға алынған «Таза Қазақстан» экологиялық акциясы күн тәртібінен түспейтін мәселе екенін жеткізді. Осыған орай аудан орталығы мен ауылдық округтер бойынша тазалық жұмыстарына байланысты анықталған кемшіліктерді қатаң сынға алып, шұғыл қалпына келтіріп, әрбір аймақ бойынша тазалық жұмыстарын ұдайы жүргізіп отыруды тапсырды.
