Аман Тасыған әншіге «Бандиттердің сойылын соғып, тойға кіріп шыққан кезің болды ма?» деп сұрақ қойды.
«Жоқ, ондай болған жоқ. Алматыдағы бандиттерді танимын. Бұрын соларға жақын болғаннан кейін танысып-білісіп алғанбыз, кейін әнші болып кетсем де бізге келіп араласып тұратын. Негізі бандиттер шынайы жігіттер ғой. Сөзге тоқтайтын, сөз сөйлей алатын жігіттер», — дейді Әбдіжаппар Әлқожа.
Сондай-ақ әнші бандиттер тарапынан әлімжеттік көрмегенін айтты.
«Сол ортада бірге жүргеннен кейін олар мені ешқайда жұмсай алмайды. Жұмсауға ұялады. Әзірге ешқайысы әлімжеттік жасаған жоқ. Ана тойға кіріп шықшы деп бұйырған емес. «Жарты ақшаңды берейін, өзімнің туысқанымның тойы еді» деп өтініш айтатындар болады. Жігіт арасында шешілетін әңгіме ол. Ондай кезде мен де жоқ демеймін», — деді әнші.
Әншінің бұл сөзі желі қолданушыларының күлкісін келтірді.
«Мынауың сұхбат беруді білмейді екен ғой. Таудан түскен секілді», «Әбдіжаппар бандиттерді танимын дей ме?», «Өзін-өзі білдіртпей мақтап кететін досың!», — деп әзілдеп жатыр.
Фото: instagram.com/abdizhappar_alkozha
