Жыл сайын тұрақты түрде ұйымдастырылып келе жатқан бұл спорттық шара — өңір журналистикасының көрнекті өкіліне деген құрмет қана емес, сонымен қатар қаламгерлер арасында салауатты өмір салтын насихаттап, әріптестік байланыстарды нығайтуды көздейді.
Ашылу салтанатында Қызылорда облысы әкімінің орынбасары Шахмардан Байманов сөз сөйлеп, қатысушыларға сәттілік тілеп, журналистер қауымының қоғамдағы орны мен еңбегінің маңыздылығына тоқталды.
Сонымен қатар, Сағитжан Бермағанбетовтің анасы — Меруерт Бақбергенова да сөз алып, баласының есімін ұлықтап, оның есімін есте қалдыруға арналған игі шараны ұйымдастырған азаматтарға алғыс білдірді.
Биылғы турнирге 6 команда қатысты:
• «Қызылорда» телеарнасы
• Республикалық БАҚ-тардың меншікті тілшілері құрамасы
• «Сыр медиа» ЖШС
• «Қоғам ТВ» телеарнасы
• «Ағаш pen»
• Облыс әкімдігі командасы
Дода тартысты әрі достық атмосферада өтті. Әр команда жеңіске деген жігерін танытып, бірлік пен ұйымшылдықтың үлгісін көрсетті.
Жарыс соңында облыс әкімінің орынбасары Шахмардан Асқарұлы жеңімпаз командалар мен үздік ойыншыларды марапаттады.
Турнир қорытындысы бойынша:
🥇 Қызылорда Қоғамдық телеарнасы турнир жеңімпазы атанды.
🥈 Облыстық “Qyzylorda” телеарнасы екінші орынды еншіледі.
🥉 Ал меншікті тілшілерден құралған команда үшінші орынға табан тіреді.
Сонымен қатар, жарыс алаңында ерекше ойын өрнегімен көзге түскен қатысушылар арнайы номинациялармен марапатталды:
🥇Үздік қақпашы – Абзал Жолтерек
🥇Үздік ойыншы – Бауыржан Қожамұратов
🥇Үздік шабуылшы – Шыңғыс Нұрбай�🏅 Үздік қорғаушы – Нұрлан Жақыпбек
