Марқұмның әйелі жолдасының неден қайтыс болғанын айтып берді.
«Маған Калелхан Иманмәди қоңырау соқты, зауытқа тез жетуімді сұранды.Не боп қалды деп едім, тез жетіңіз жедел-жәрдем келе жатыр деді. Зауытқа жеткенде жедел-жәрдем тұр екен. Ұлым екеуміз фельдшерлермен бірге екінші қабатқа көтерілдік. Сол кезде Арманның бетіп жауып тастаған екен. Не болды деп сұрағанда, жүрегі тоқтап қалған деді. Ешқандай жертөледе болмаған, зауыттың аумағындағы екі қабатты ғимарат», – деді Айсұлу Айданқызы.
Айсұлу Айданқызының сөзінше марқұм жолдасының зауытта неге жүргенін өзі де білмеген. Ал оған қоңырау соқты деген Калелхан Иманмәди – кәсіпкер, әнші Индира Елеместің бұрынғы жолдасы.
Сондай-ақ марқұмның әйелі ұлыныңда өліміне қатысты тың деректерді айтып берді.
“2024 жылдың 7 қазанында 21 жастағы ұлым Абылай Дүйсеннің пәтерімізде екі қолы байлаулы, аяғы жерде тұрған өлі денесі табылды. Көптеген дерек анықталса да бұл іске қатысты тергеу әлі нақты шешімге келген жоқ, Екі қолы артына байланған адамның өзіне қол жұмсауы мүмкін бе?” – деді ол.
Оның сөзінше Алматы қаласының соты әділетсіз шешім шығарған.
Сонымен қатар Бостандық аудандық полициясы дәлелді жауап бермеген.
“2025 жылдың 24 қазанында Бостандық аудандық соты менің пәтеріме қатысты әділетсіз шешім шығарып, 13 жастағы ұлым және 83 жастағы қарт әкем және мен тұрып жатқан пәтерімізден шығуымыз туралы заңға қайшы шешім шығарды. Ал пәтер үшін дауласқан тұлға Мұқаш Санжар ұлым Абылайдың өліміне байланысты жүргізіліп жатқан тергеу барысында “мен Абылайға тек қарыз ақша бергенмін. Пәтерді кепіл етіп алдым” деп анық көрсеткен. Осы туралы тергеу сотының 2024 жылғы 15 қазан және 2025 жылғы 30 шілдедегі қаулыларында бекітілген. Демек, сот сатып алу келісімшартын жарамсыз деп тануы тиіс еді. Марқұм Абылай мен Санжар Мұқаштың екеуара whatsapp-тарында соңғы тек 65 миллион теңгені өте жоғары пайызбен бергені расталды”, – дейді Айсұлы Айданқызы.
Сұхбат барысында композитордың жары Мемлекет басшысынан көмек сұрады.
Арқа сүйер азаматым жоқ! Абылайым жоқ! Баратын жерім жоқ!“Құрметті Қасым-Жомарт Кемелұлы, мен Қазақстанның еңбек сіңірген қайраткері марқұм Арман Дүйсеновтың жұбайы Айсұлу Айданқызымын. Сіздің Алматы қаласы сотының әділетсіз шешіміне назар аударуыңызды өтініп сұраймын, — деді марқұмның жары.
