Әлмеуттік желіде тараған видеодан жеткіншектердің қызметтік көліктің ішіне ентелеп, қызметкерге шүйліккені көрінеді. Ол өзін таныстырып, ауыр сөздермен полицейді қорқытады.
“Ей, Қазбек деймін саған ей. Қалада көріп қалып, мені тоқтатсаң… Қап-қара 14-пен жүремін”,-деп полицейді түрпектейді.
Қасындағы достары да бұл әрекетке күле қарайды. Алайда тәртіп сақшысы жігіттердің бұл әрекетіне жауапсыз қалғаны байқалады.
Ал оқиға таңғы сағат 6-шамасында болған. Полиция департаментінің өкілдері тұрғындардың тыныштығын бұзған балаларға айыппұл салынды дейді. Тіпті қылмыстық іс те қозғалған екен.
“Аталған құқықбұзушылық бойынша жасөспірімдер ұсталып, барлығы әкімшілік жауапкершілікке, оның ішінде түнгі уақытта заңды өкілінсіз көшеде жүргендері үшін де жауапкершілікке тартылды. Жасөспірімдердің біріне қатысты билік өкілін қорлау дерегі бойынша қылмыстық іс қозғалды. Сондай-ақ жасөспірімдердің ата-аналары кәмелетке толмаған баланы тәрбиелеу жөніндегі міндеттерін орындамағаны үшін әкімшілік жауапкершілікке тартылды,”- деп мәлімдеді Қызылорда облыстық ПД баспасөз қызметі.
PS. Қазір бұзақылардан емес, дер кезінде әрекет етпейтін полициядан қорқатын заман болды ма?
Фото: inbussines
