Соның бірі – Әйтеке би кенті мен Қазалы қаласының аралығындағы жаңадан ашылған кварталдардағы нысандар мен тұрғын үйлерге керекті электр энергиясының қуаттылығын арттыру мақсатында қосалқы стансасының құрылысы.
Аудан әкімі Әйтеке би кентінің аумағында салынып жатқан 35/10 кВ «Жанқожа батыр» қосалқы стансаның құрылысын көріп, мердігер мекеме «Энергомера» ЖШС-нің директорының орынбасары Ерболат Мұхашовпен кездесті.
Қазіргі таңда 35/10 кВ «Жанқожа батыр»қосалқы стансасына 2-дана 10000/35/10 кВА трасформатор және Қосалқы станцияларға арналған блок-модульдік ғимараттар (БМЗ) орнату монтаждау жұмысы толықтай аяқтылды, жабдықтар 72 сағаттық тексеруден сәтті өтіп ток көзіне қосылды жәнеде 110/35/10 кВ «Айтеке би» қосалқы стансасының кеңейту жұмыстарыда жоғары сапада аяқтылды. Сонымен бірге 32 дана темір бетон бағаналар мен 4 дана металлдық бағана орнатылып, 4,4 шақырым 35 кВ әуе желісі жүргізілді. Бүгінде биылғы жылға құрылыс жұмыстарына бөлінген қаржы толық игерілді. Мердігер мекеме құрылыс-монтаж жұмыстарының 80 пайызын орындап отыр.
Аудан басшысы қосалқы стансаның құрылыс барысымен егжей-тегжейлі танысып, аталған нысанның іске қосылуы нәтижесінде Әйтеке би кенті мен Қазалы қаласы арасындағы жаңадан игерілген тұрғын кварталдарын сапалы әрі тұрақты электр энергиясымен қамтамасыз ету мүмкіндігі артатындығын жеткізді. Сондай-ақ жоба бұл аумақтағы әлеуметтік және кәсіпкерлік нысандардың электр қуатына деген сұранысын өтеп, инфрақұрылымды дамытуға елеулі серпін беретінін айтты.
Осыған сәйкес, мердігер мекеме мен тиісті сала басшыларына тұрғындардың өмір сүру жағдайын жақсарту бағытындағы жобаның сапалы әрі тезірек аяқталуын бақылауда ұстауды тапсырды.
Айта кетейік, Қазалы ауданында бұдан бөлек, Қазалы қаласының электр желілерін толық жаңарту мен «Ауыл – ел бесігі» арнайы жобасы аясында Қожабақы ауылының электр желілерін қайта жаңғырту жұмыстары жүзеге асырылуда. Осы жұмыстардың нәтижесінде, аудан бойынша жыл соңына дейін электр желілерінің тозу денгейі 69 пайыздан 67 пайызға төмендету жоспарланып отыр.
