Қабылдауға келген 15 азамат аудан әкіміне өтiнiш-тiлектерiн жеке-жеке жеткізіп, мәселелерiнiң оң шешiмiн табуына ықпал жасауды сұрады.
Тұрғындардың басым көпшілігі тұрғын үй кезегі мен тұрақты жұмысқа орналасу мәселесін көтерді. Сондай-ақ көпқабатты тұрғын үйге газ кіргізу, жөндеу жұмыстарын жүргізу, жер мәселесіне қатысты өтініштерін жеткізген тұрғындарда болды.
Қабылдау барысында аудан әкімі әрбір тұрғынның мәселесін тыңдап, түсініктеме берді. Сондай-ақ, көтерілген мәселелерді зерттеп, заңдылыққа сәйкес шешу жолдарын қарастыру жөнінде жауапты сала басшыларына нақты тапсырма жүктеді. Ал, бірқатар көшелерге жасалып жатқан жол жөндеу жұмыстарының сапасына байланысты аудан басшысы сол аймақтарға өзі барып көретіндігін және соған сәйкес жұмыс жасалатындығын жеткізді.
©Қазалы ауданы әкімінің баспасөз қызметі
