Салтанатты шараға жас жұбайлар мен олардың жақындары, достары және қоғамдық даму бөлімінің басшысы Жәнібек Алмасұлы, сондай-ақ, Қазалы ауданының АХАТ бөлімінің басшысы Лига Наурызбаева мен бөлім мамандары қатысты.
Қоғамдық даму бөлімінің басшысы салтанатты шарада жаңа өмірге қадам басқан қос жұп — Мейіржан Мырзағұлұлы мен Гүлжайна Күмісбекқызы, Нұрбек Мәлкәйдарұлы мен Элвира Жәнібекқызына заңды түрде неке куәліктерін табыстап, шынайы ақ тілегін жеткізді. Жас шаңырақ иелеріне естелік сыйлықтар тарту етілді.
Рәсім соңында жастар «Жұбайлар вальсін» билеп, махаббат пен татулықтың символындай әсерлі сәтпен мерекелік шараны қорытындылады.
Жаңа өмірдің ақ парағын бірге ашқан қос жүрек — жас отау иелерін заңды некелерімен шын жүректен құттықтаймыз!
Мәңгілік махаббаттың мекеніне айналған шаңырақтарыңыз шаттыққа толы, отауларыңыз берекелі болсын!
