Аудан көлемінде өткен сенбілік жұмыстары барысында Ж.Аймауытов, С.Мұқанов, Қ.Пірімов, Қ.Ерімбет сынды орталық көшелердің бойы, аяқ су арықтары тазаланды. Одан бөлек мекеме, кәсіпорындардың қоршаулары сырланып, көше бойындағы арам шөптер оталып, қоқыс қалдықтары арнайы орындарға шығарылды.
Аудан орталығында өткен сенбілік жұмыстарын аудан әкімінің міндетін атқарушы Жалғас Сүйеубаев аралап көріп, тиісті мекемелерге тазалық жұмыстарына байланысты бірқатар тапсырмалар берді.
Экологиялық акция аясында өткен сенбілік жұмыстары аудан орталығынан бөлек барлық ауылдық округтерде де ұйымдастырылды.
