«Ұрпақ ұлттық ойынмен шыңдалады» тақырыбымен өткен жарысқа волонтерлар мен мүмкіндігі шектеулі жандардан құралған бес команда қатысты.
Қатысушылар асық ату, арқан тартыс, садақ ату секілді ата-бабамыздан жеткен ұлттық ойын түрлерінде өзара бақ сынасты.
Сайыс соңында «Қоғамдық келісім» КММ директорының орынбасары Дәулет Омаров сөз сөйлеп, ұлттық ойындардың жас ұрпақты шынықтырып қана қоймай, олардың бойына төзімділік пен бірлік сынды қасиеттерді сіңіретінін атап өтті.
Жарыс қорытындысында барлық командаларға арнайы дипломдар мен бағалы сыйлықтар табысталып, қатысушыларға көтеріңкі көңіл-күй сыйланды.
