Қылмыскер 6 жасар баланы есінен танғанша ұрып соққан.
Massaget.kz мәліметінше, жантүршігерлік оқиға Шымкент қаласы Ақпан батыр көшесі бойында орналасқан жалдамалы пәтерде болған. Ол өзінің туған әпкесінің 2018 жылы туған қызы ұйқысынан оянып, айқайлай бастағанына ашуланып, бүлдіршіннің аяқ-қолын біріктіріп байлап, ұрып-соғып, еденге құлатқан. Артынша бала есінен танып құлаған. Әрі қарай, ваннаға су толтырып, тұншықтырып, қасақана өлтірген.
Айыпталушы сотта қасақана жасаған әрекетін мойындамай, тіпті жеңіл жаза беруді сұраған. Прокурор Қ.-ға 20 жылға бас бостандығынан айыру жазасын тағайындауды сұрады.
Ал жәбірленушінің өкілі сотталушыға кешірім бергенін және қатаң жаза тағайындамауды сұрады. Сотталушы өзіне тағылған айыпты мойындамайтынын және жеңіл жаза тағайындауды сұрады, – делінген Шымкент қалалық сотының хабарламасында.
P.S. Сот қылмыскер әйелдің жеңілдік сұраған өтінішін қабылдаған жоқ. Оған 20 жылға бас бостандығынан айыру жазасы тағайындалды.
