Жауапты ведомство өкілдерінің мәліметінше, тұрғындардың қауіпсіздігі үшін саяжайларда салынатын баспананың көлеміне шектеу қойылған.
“Әлеуметтік тұрғыдан осал топтар көп жағдайда саяжайларды тұрақты тұруға пайдаланады. Алайда, бұл үйлер қыс мезгіліне бейімделмеген, олардың коммуникациялық жүйелері суық кезеңде өшіріледі. Мұндай қауіпті жағдайлардың алдын алу үшін саяжайларды тұрақты тұруға пайдалануға тыйым салу қажет болды,”- дейді министрліктегілер.
Сонымен қоса, Кеңес Одағы кезінде саяжайдағы баспана көлемі 25 шаршы метрден аспауы тиіс деген талап болғанын атап өтті. Бірақ бұл ереже кейін қолданыстан алынған екен.
Ал жаңа өзгеріске сәйкес, енді тұрғындар саяжайдан үй салу үшін әкімдіктен рұқсат алу керек.
