Мемлекет басшысы Қазақстан халқына арнаған Жолдауында медициналық көмекті қолжетімді ету, ана мен бала өлімін азайту, балалар мүгедектігінің алдын алу бағытында нақты міндеттер жүктеген болатын. Осыған орай Сыр өңірінде балаларға арналған оңалту орталығы ашылды, деп хабарлайды postskript.kz Ақпараттық агенттігі.
Медициналық мекеменің ашылу салтанатына облыс әкімі Нұрлыбек Нәлібаев қатысты.Қызылорданың облыстық бюджет есебінен Жаңақорған ауданындағы ескі аурухана ғимараты қайта жаңғыртылды. Орталықты толық жабдықтауға «Қазақстан халқына» қорынан қомақты қаржы бөлінген. Қор соңғы екі жылда өңірдің денсаулық сақтау саласына 2 млрд. теңге қаржы бағыттады. Бұл қаржыға облыстық балалар ауруханасы базасында «Қамқорлық» реабилитациялық орталығы ашылып, аса қымбат дәрі-дәрмек алынды. Орталықта жылына 2000-ға жуық баланы оңалтуға мүмкіндік бар.
Негізгі оңалту емдік дене шынықтыру залымен жабдықталған екі. Эрготерапия, логопедия, дефектология, интерактивті тақталар, интерактивті сенсорлы бөлмемен. Ерекше балалал бізге неврологиялық, травматологиялық, нейрохирургиялық, ортопедиялық профильдер бойынша ем алуға келе алады.
– деді МӨЛДІР ЕСҚАБЫЛОВА, ОҢАЛТУ ОРТАЛЫҒЫНЫҢ БӨЛІМ МЕҢГЕРУШІСІ.
