Ұстаздар күні – білімнің бастауы саналатын ұлы мамандық иелеріне деген айрықша құрмет пен ризашылықты білдіретін мереке. Бұл күні барша ұстаздар еңбегі бағаланып, олардың шәкірт тәрбиелеудегі өлшеусіз үлесі ерекше атап өтіледі.
Осыған орай Қызылорда облысы бойынша ҚАЖ департаментінің қызметкерлері қарттар үйінде тұратын ардагер ұстаздарды арнайы құттықтап барды. Қарттар үйінде бүгінде 3 ардагер ұстаз өмір сүруде. Департамент қызметкерлері оларды Ұстаздар күні мерекесімен құттықтап, жылы лебіздерін білдірді. Сызу пәнінің мұғалімі болған Афрайл ұстаз жас ұрпаққа білім алудың маңызын айтып, өзінің ұстаздық жолында басынан кешкен қызықты оқиғаларын, еңбек жолындағы сан қилы естеліктерін айтты. — Ұстаздық – өмірімнің мәні. Шәкірттерімнің әр жетістігі мен үшін үлкен қуаныш болды. Бүгін бізді арнайы құттықтап, құрмет көрсеткендеріңізге алғыс айтамын. Жастар білімді болса – елдің ертеңі нұрлы болмақ, – деді ардагер ұстаз.
Ақпарат көзі Polisia.kz
