Алдымен аудан әкімінің орынбасары Д. Байдушев күн тәртібіндегі мәселе бойынша баяндама жасап, Сырдария ауданының әлеуметтік-экономикалық даму көрсеткіштері, атқарылған жұмыстар және алдағы міндеттер туралы ақпарат берді. Кеңес мүшелері баяндамашыға сұрақтар қойып, ұсыныс-пікірлерін білдірді.
Сонымен қатар отырыс барысында мәслихат аппаратының және экономика және қаржы бөлімінің құжат жобалары жан-жақты талқыланып, Қоғамдық кеңес тарапынан қолдау тауып, мақұлданды.
Қоғамдық кеңес аудандағы маңызды бастамалардың ашықтығын қамтамасыз етуге, тұрғындардың ұсыныс-пікірлерін ескеруге және жергілікті басқару сапасын арттыруға бағытталған жұмысын жалғастыра береді.
