Шараның негізгі мақсаты – азаматтардың құқықтық сауаттылығын арттыру, қоғамдық орындардағы қауіпсіздік мәдениетін қалыптастыру, құқық бұзушылықтардың алдын алу және тұрғындар арасында заң талаптарын сақтау жөнінде түсіндіру жұмыстарын күшейту. Теміржол вокзалы – күн сайын мыңдаған жолаушы қатынайтын стратегиялық маңызы бар нысан болғандықтан, мұндай профилактикалық кездесулердің маңызы ерекше.
Іс-шара барысында мамандар жолаушылар мен қала тұрғындарына қоғамдық тәртіпті сақтау, құқық бұзушылықтың алдын алу, жеке қауіпсіздік ережелерін сақтау, қоғамдық орындардағы мінез-құлық талаптары және азаматтардың құқықтары мен міндеттері жөнінде жан-жақты ақпарат берді. Сонымен қатар тұрғындардың сұрақтарына жауап беріліп, құқықтық кеңестер ұсынылды.
Ақпараттық-түсіндіру жұмыстары барысында құқықтық мәдениетті қалыптастыруда цифрлық технологиялардың рөліне де ерекше назар аударылды. Азаматтарға мемлекеттік қызметтерді электронды форматта алу, цифрлық сервистер арқылы құқықтық ақпаратқа қол жеткізу, онлайн платформалар мен мобильді қосымшаларды пайдалану мүмкіндіктері түсіндірілді. Бұл өз кезегінде мемлекеттік қызметтердің ашықтығын қамтамасыз етіп, тұрғындардың уақытын үнемдеуге және құқықтық мәселелерді жедел шешуге мүмкіндік береді.
Мамандар заң талаптарын сақтау – қоғамдық қауіпсіздіктің басты кепілі екенін атап өтіп, әрбір азаматтың құқықтық тәртіпті қамтамасыз етуге өз үлесін қосуы маңызды екенін жеткізді. Сондай-ақ тұрғындар заңды құрметтеуге, қоғамдық орындарда белгіленген талаптарды сақтауға және құқық бұзушылықтарға жол бермеуге шақырылды.
Айта кету керек, мұндай профилактикалық және ақпараттық іс-шаралар қоғамда заң үстемдігін нығайтуға, азаматтардың құқықтық санасын қалыптастыруға, сондай-ақ цифрландыру мүмкіндіктерін тиімді пайдалану арқылы халық пен мемлекеттік органдар арасындағы өзара байланысты күшейтуге бағытталған. Алдағы уақытта да өңірде «Заң мен тәртіп» қағидатын дәріптеу аясындағы түсіндіру жұмыстары тұрақты түрде жалғасатын болады.
