Алматы телеарнасының хабарлауынша, екі тұрғыны танысын өлтіріп, оны бөлшектеп, басын пакетке салып, тоңазытқышта сақтаған.
Қазір жантүршігерлік қылмысқа қатысты сот ісі басталды.
Ал тергеу материалдарына жүгінсек, үш жігіт жиналып, ішімдік ішкен. Кейін арада жанжал шығып, күдіктінің бірі керісіп қалған жігітті сабап, артынша пышақ салған. Кейін екі күдікті пәтерден қашып кеткен. Ертеңіне үй иесі келіп, қылмысты жасырмақ болып, мәйітті бөлшектеп, пакетке салып, жасырған. Басын өз тоназытқышына салып қойыпты. Ал марқұмның туыстары жігітті таба алмай, бір ай бойы іздеген.
“Лукин Кузьменконың өлі денесін ас бөлмеден жуынатын бөлмеге сүйреп әкеліп, бөлшектеген. Сосын дене мүшелерін пакетке салып, Хромтау ауданындағы «Гигант » карьеріне апарып тастаған. Ал өлі дененің қалған бөліктерін өз мұздатқышына салып қойған,- деді мемлекеттік айыптаушы Жанар Кабдышева.
Сотқа жәбірленуші тарап онлайн қатысты. Ал сотталушылардың әрекетінен жақындарының өзі шошып отыр.
“2009 жылы ол менің бір саусағымды шауып тастады. Кейін дәрігерлер тігіп берді. Мені өлтіремін деп талай қорқытты”,- деді сотталушының анасы Любовь Лукина.
P.S. Айта кетейік, екі күдікті Хромтау ауданының тұрғындары. Олар бұрын сотты болған.
