Жарыс үстел теннисі мен футбол спорт түрлері бойынша өтті. Іс-шараны «Қармақшы» қоғамдық бірлестігі мен аудандық пробация қызметі бірлесе отырып ұйымдастырды.
Шараның басты мақсаты – пробацияда тұрған азаматтарды қоғамға бейімдеу, олардың өмірге деген оң көзқарасын қалыптастыру және салауатты өмір салтын насихаттау.
Жарысқа қатысушылар белсенділікпен атсалысып, өзара достық қарым-қатынаста ойын көрсетті.
– Осындай жарыстар біз үшін үлкен қолдау. Көпшілігіміз қателесіп, қиын жағдайға тап болдық. Бірақ бұл өмірдің соңы емес. Осындай шаралар арқылы өзімізді қоғамның бір бөлігі ретінде сезінеміз. Бүгінгі жарыста өзімді бұрынғыдай еркін сезіндім. Алаңда ойнап, командамен бірге жеңіске ұмтылған сәттер өте әсерлі болды. Алғысым шексіз, – дейді пробация есебіндегі азамат .
Іс-шара соңында үздік ойыншылар мен командалар марапатталып, арнайы алғыс хаттар мен сыйлықтар табыс етілді.
