Қазақстан Республикасының Бас прокуратурасының тапсырмасына сәйкес жүргізілген тексерулер көңіл көншітпейді. Қызылорда облысының білім ұяларын тексерген прокурорлар біршама былыққа көз жеткізді. Оның ішінде мұғалімдерді конкурссыз жұмысқа қабылдау, ыстық тамақпен қамтамасыз ету секілді деректер жеткілікті.
Мысалы, Қазалы ауданындағы 3 мектептің асханасында оқушыларға мерзімі өтіп кеткен сүт өнімдері берілсе Сырдария ауданында мектеп асханаларында арнайы аспазшы мамандығы бойынша сертификаттары мен дипломдары жоқ адамдар жұмыс істеген.
Одан бөлек Қызылорда қаласында 26 мектепте 50-ге жуық адамды конкурссыз жұмысқа қабылдаған. Бұл деректердің барлығы бойынша тиісті қадағалау актілері енгізілді. Одан бөлек жалған диплом бойынша жұмыс істеу деректері де анықталды. Бұл дерек бойынша тиісті процессуалдық шешім қабылданады, қазіргі уақытта тергеп-тексеру амалдары жүргізілуде.
дейді НҰРБОЛАТ ДҮЙСЕНБАЕВ, ҚЫЗЫЛОРДА ОБЛЫС ПРОКУРОРЫНЫҢ ОРЫНБАСАРЫ.
