Биылғы жылдың ақпан айында қалаға қарасты Белкөл кентінде қайғылы оқиға орын алған болатын. Мектептен шыққан төрт оқушыны бір сынып жоғары оқитын жасөсіпірім көпқабатты үйдің подъездіне кіргізіп, көкірек тұсынан ұрған. Құлап, есінен танған ер баланы сыныптастары ауылдық амбулаторияға жеткізген. Алғашқы медициналық көмек көрсеткен дәрігерлер ер баланы аман алып қала алмады. Осы оқиғадан кейін мектеп директоры мен тәрбие ісі жөніндегі орынбасары орындарынан босады. Тергеу барысында марқұмның соққыдан кейін жүрегі тоқтап қалғаны белгілі болды. Екі ай ішінде бірнеше сот отырысы болып, ақыры күдікті темір торға қамалды.
— Сот істі қарау барысында үкім етті ҚР ҚК-нің 106 бабының 3-бөлігімен сотталушы кінәлі деп табылып, 6 жыл 8 ай мерзімге бас бостандығынан айыру жазасы тағайындалды. Қазіргі таңда үкім заңды күшіне енген жоқ. Аппеляциялық шағым келтірілген жоқ. – дейді ДӘУРЕН ТАЙЫРОВ, ҚЫЗЫЛОРДА ОБЛЫСЫ КӘМЕЛЕТКЕ ТОЛМАҒАНДАРДЫҢ ІСТЕРІ ЖӨНІНДЕГІ МАМАНДЫРЫЛҒАН АУДАНАРАЛЫҚ СОТ ӘКІМШІЛІГІНІҢ БАСШЫСЫ.
