Қала іргесіндегі 120 жылыжай 2012 жылы салынған. Басты мақсат халықты арзан және сапалы бақша, көкөніс өнімдерімен қамтамасыз ету. Алайда бүгінде бұл нысан қаңырап бос тұр. Жылыжайдың бүгінгі күйі адам шошырлық. Пластикалық пленкадан жасалған жамылғылары жыртылып, жылу батарейлері тот басқан. Мына көріністен бұл жерде көкөніс емес арнайылап арам шөп өсіріп жатқан сыңайлы. Ал жылыжайдың басында тек жалғыз күзетші.
В данный момент жұмыс жасалып тұрған жоқ. Сол ремонтқа қарап тұр. Қыста ремонт істей алмайды. Төбедегі полигалдарды алу керек, қайтадан салу керек новыйдан.
дейді РАМЗАН ЦАЦАЕВ, ЖЫЛЫЖАЙ КҮЗЕТШІСІ.
Қала белсенділері болса бұл жылыжайлар салынғалы жұмыс істемеді дегенді айтады. Ал осы жобаға бөлінген миллиондарды ысырап дейді қызылордалықтар.
Мына Қызылорда қаласына помидор, огурцы береміз, сырттан қымбат көкөністерді азайтамыз деген мақсатта болды. Бірақ қазір 10 жыл өтседе бір помидор бір огурцы Қызылорда рыногына шыққан жоқ. Яғни ақша желге ұшты деген сөз!
дейді ҒАНИ ӘЛИЕВ, БЕЛСЕНДІ.
Бұл жылыжайларды «Ауылшаруашылығын қаржылай қолдау» қоры салған екен. Бұл акционерлік қоғам бүгінде Агарлық несие корпорациясына қосылып кеткен. Ондағылар жылыжайлардың осындай күйге жетуіне кәсіпкерлер кінәлі дейді. Себебі жерлерді лизингке алғандар жұмыс істемей, қараусыз қалдырыпты. Олардан кейін тағы екі кәсіп иелері жалға алған көрінеді. 50 жылыжайға әйтеуір бірнарсе егілсе, қалған 70-інде мүлдем жұмыс жүрмепті. Нысанды қайта жөндеуге қаражат жоқ деп басты жауаптылар.
Демек оны қазір ретке келтіру үшін тағы да қомақты қаржы салу керек. Сол себептен оны қазір өз қаражатымыздан немесе мемлекеттік қаражаттан оны іске асыру, жөндеу пока ондай вопрос қарастырылып жатқан жоқ.
дейді НҰРМАДИ ӘЛІБАЕВ, «АГРАРЛЫҚ НЕСИЕ КОРПОРАЦИЯСЫНЫҢ» ҚЫЗЫЛОРДА ОБЛЫСЫ БОЙЫНША ФИЛИАЛЫ ДИРЕКТОРЫНЫҢ ОРЫНБАСАРЫ.
Осылайша жылыжайдың иелері кәсіпкерлерді сотқа беріп, жылыжайларды қайта меншігіне қайтармақ. Күрделі жөндеуден өткізуге қауқарсыз корпорация жергілікті билікпен келіссөздер жүргізіп, демеуші іздеп жатқан көрінеді.
