Қызылорда-Көкшетау бағытында қатынайтын пойыздарда 8 бригада жолаушыларға қызмет көрсетеді. Жолсеріктердің жалақасы былтырғы жылы 100 мың теңге болыпты. Қаңтардан бастап үкіметтің бастамасымен 20 пайыз тағы қосылыпты. Осы қаражатқа олар пойыздарда от жағып, көмір тасып, вагон ішін тазартады. Еңбек өтілі мен экологиялық жәрдем ақыларды қосқанда айлықтары 200 мың теңгеге әзер жетеді екен.
Біз талап ететініміз 100 процент біздің айлығымызды қоссын. АО Пассажирские перевозкимен бірдей қылсын. Шамасы келмесе пойызды үкіметке өткізсін, осы біздің бар талабымыз! Бала-шағамызға мүлдем жетпейді. Отпускнойымыз дұрыс төленбейді. Экологический де заң бойынша дұрыс төленбейді.
дейді КЕНЖЕТАЙ ШӘУКЕБАЕВА, «ҚЫЗЫЛОРДА-КӨКШЕТАУ» ПОЙЫЗЫНЫҢ ЖОЛСЕРІГІ.
Жолсеріктердің айтуларынша пойыздардардың ішіндегі көрініс мүлдем адам шошырлық көрінеді. Жастық пен жамылғылары еш талаптарға сай келмейді екен.
Бұрынғы заманның одеялолары, бұрынғы заманның матрацтары, бұрынғы заманның жастықтары. Олардың тек тыстарын сырттарын ауыстарды да қайта шығара береді. Қазіргі заманға сәйкес келмейді. Қазір айтсам көптеген нәрселер бар, тарақандар бар.
дейді АЗАТ АЛАШБАЕВ, «ҚЫЗЫЛОРДА-КӨКШЕТАУ» ПОЙЫЗЫНЫҢ ЖОЛСЕРІГІ.
Жұмысшыларының дауынан кейін Астанадан компания өкілдері келген. Олардың пайымынша жылына аздап болса да еңбекақыны көтеруге тырысып жатырмыз дейді. Ал айлықты бірден 100 пайызға көтеру мүмкін емес екен. Басшылардың бұл сөзімен келіспегендер ҚР Көлік министрлігі мен Көлік прокуратураларына арыз жазыпты. Ресми жауабы наурыз айында берілуі тиіс. Ұжымда 300-ге жуық жұмысшы бар жолаушылар тасымалымен айналысатын басшы сымақтар айлықты екі есе көтере алмаса компанияны мемлекетке өткізсін дейді жолсеріктер.
