Оқиға Қызылорда қаласының көп қабатты үйлерінің бірінде орын алған. Лифт ішінде ер жігіт таныс құрбысына әлімжеттік көрсеткен. Мұны бейнежазбадан анық байқауға болады. Осы әрекеттері лифттегі басқа адамдарға қауіп төндірген. Бейнежазбаның соңында азаматтар бұл әрекеттің «пранк» екенін айтады. Дегенімен, құзырлы орган өкілдері бұл әзілді қабылдамады.
— Аталған дерек бойынша Қызылорда қаласының 20 жастағы тұрғыны Қасымбек Нұрсұлтан полицияға жеткізіліп, сот шешімімен оған айыппұл түріндегі жаза тағайындалды.Полиция мұндай «әзілдерге» жол берілмейтінін ескертеді. Азаматтарды қоғамдық тәртіпті сақтап, айналасындағы адамдарға құрметпен қарауға шақырады. – дейді ТЕМІР ДОСМАЙЫЛ, ҚЫЗЫЛОРДА ПОЛИЦИЯ ДЕПАРТАМЕНТІНІҢ АҚПАРАТТЫҚ САЯСАТ БӨЛІМІНІҢ АҒА ИНСПЕКТОРЫ.
