Қорғаныс министрлігінің мәліметінше, оқу-жауынгерлік тапсырманы орындау барысында 19 әскери қызметші теңізге кеткен. Қазіргі таңда олардың тоғызының қаза болғаны расталды.
Үш әскери қызметші құтқарылған. Олардың біреуі ауруханаға жатқызылды. Қалғандарын іздеу-құтқару жұмыстары жалғасып жатыр. Оған Қазақстанның Әскери-теңіз күштерінің бөлімшелері, Төтенше жағдайлар министрлігінің құтқарушылары, авиация және басқа да тиісті қызметтер жұмылдырылған.
Оқиға орнына Қорғаныс министрлігінің комиссиясы жіберілді. Комиссияға Қорғаныс министрі Дәурен Косанов жетекшілік етіп, оқиғаның барлық мән-жайын анықтау және іздеу жұмыстарын үйлестіру міндеті жүктелгені хабарланды.
Қорғаныс министрлігі қаза болған әскери қызметшілердің отбасыларына көңіл айтып, оларға қажетті көмек көрсетілетінін мәлімдеді. Ведомство іздеу-құтқару жұмыстарының барысы туралы ақпаратты расталған деректерге қарай жариялап отыратынын жеткізді.
Бас прокуратура әскери қызметшілердің қаза болуына байланысты қылмыстық іс қозғалғанын хабарлады.
