Іс-шараның басты мақсаты – отбасылық құндылықтарды нығайту, салауатты өмір салтын дәріптеу, ата-аналар мен балаларды бірлесіп спортпен шұғылдануға тарту, сондай-ақ есірткі мен зиянды әдеттерге деген теріс көзқарасты қалыптастыру.
Жарысқа қатысқан отбасылық командалар өздерінің ұйымшылдығын, ауызбіршілігін, ептілігін, шапшаңдығын және жеңіске деген жігерін көрсетті. Қатысушылар түрлі эстафеталар мен спорттық сайыстарда бақ сынап, тек дене дайындығын ғана емес, бірлесе әрекет ету қабілеттерін де танытты.
Өткізілген жарыстардың қорытындысы бойынша Қызылорда облысы көлемінде 12 отбасы жеңімпаз атанды. Сонымен қатар, 26 қатысушы көрсеткен ынта-жігері, белсенділігі мен жарыс барысында танытқан табандылығы үшін арнайы атап өтілді.
Барлық қатысушылар мерекелік спорттық көңіл күй қалыптастыруға өз үлестерін қосып, салауатты өмір салты отбасынан басталатынын көрсетті.
Мұндай іс-шараларды өткізу отбасылық қарым-қатынасты нығайтуға, өскелең ұрпақтың бойында дұрыс өмірлік ұстанымдарды қалыптастыруға және салауатты қоғам құндылықтарын дәріптеуге ықпал етеді.
Берік отбасы – есірткіге қарсы!
