Руханият орталығында өткен мерекелік басқосуға аудандағы бұқаралық ақпарат құралдарының өкілдері, журналистика саласының ардагерлері, сондай-ақ жергілікті басылымдардың бас редакторлары мен қызметкерлері қатысты.
Жиында аудан әкімі бұқаралық ақпарат саласының өкілдерін кәсіби мерекелерімен құттықтап, өңіріміздің әлеуметтік-экономикалық дамуы, қоғамдық-саяси өмірінің сан саласындағы жаңалықтарды, өзгерістер мен өзекті мәселелерді көтеріп, осы бағытта қалтқысыз еңбек етіп жүрген сала қызметкерлеріне алғысын жеткізді.
Сонымен қатар сала қызметкерлеріне аудан әкімінің «Алғыс хаты» мен мерекелік сыйлықтары табысталды. Шара барысында Қазақстан Журналистер Одағының мүшелері, ардагер журналистер Қасқырбек Мәмбетжанов пен Алмагүл Қаржаубаева мерекелік лебізін жеткізіп, мерекеге орай арнайы қабылдап жатқан аудан әкіміне ризашылықтарын жеткізді.
PS. Шара соңында аудан өнерпаздары мерекеге орай әдемі ән арнап, саланың дамуына үлес қосқан қаламгерлерге ерекше мерекелік көңіл-күй сыйлады.
