2025 жылдың маусым айында Өзбекстан астанасы Ташкенттегі Сергелі аудандық соты өгей қызын бірнеше ай бойы зорлап келген жергілікті блогерге қатысты сот үкімін шығарды.
Сот ер адамды сексуалдық сипаттағы зорлық, алаяқтық және денсаулыққа қасақана зиян келтіру баптары бойынша кінәлі деп танып, 16 жыл 6 айға бас бостандығынан айырды.
Сот процесі жабық режимде өтті, себебі қылмыстық іс кәмелетке толмаған жәбірленушіге қатысты қаралды.
Тергеу мәліметінше, ер адам 11 жастағы өгей қызына бірнеше ай бойы зорлық көрсетіп келген. Қылмыстық әрекет тек баланың анасы құқық қорғау органдарына жүгінгеннен кейін анықталған.
Бұған дейін оған өліммен қорқыту бабы бойынша да айып тағылған болатын. Алайда апелляциялық шағым нәтижесінде бұл айып алып тасталды. Сот үкіміне сәйкес, сотталушы жәбірленушіге моральдық зиян ретінде 254 миллион сум (шамамен 10 млн теңге) өтемақы төлеуі тиіс.
PS. Айта кетейік, бұл жағдай туралы алғаш рет 2024 жылдың маусымында белгілі болды. Тергеу барысында ер адамның тағы бес баласы бары анықталған.
Фото:egemen.kz
smartnews.kz
