Сұлтанмұрат Нұрбаев алғашқылардың бірі болып осы үйге көшіп келген жан. Су жаңа жеті қабатты тұрғын үй жылдар бойы кезекте тұрған, әлеуметтік осал топтағы жандар мен мемлекеттік қызметкерлерге мамыр айында берілген. Қызықтың барлығы күн суытып, жылу батареялары қосылғаннан басталыпты. Берілген жылудың мардымсыздығы соншалық пәтер иелері бөлмелерін жылыту мақсатында қосымша электр пештерін қосуға мәжбүр болған. Тұрғындар құрылысшылар қарапайым терезелердің өзін дұрыс қаптамаған деп ашынады.
– Кеше ғана менің кішкентай бөпем ауырып шықты он күн бойы. Қолымда справкасы бар міне жатқандығы жайында, тағы да он күн үй күтімінде болады балам. Енді үйді көріп тұрсыздар мына жердің қай жеріне күтім жасайтынымызды. Полымыз салқын, қабырғамыз салқын. Терезені көрсеттім, жақын арада биттеп кететін шығармыз. Өйткені суға түсу мүмкіндігі жоқ. Суға түсірсек бала бірден ауырады.-дейді СҰЛТАНМҰРАТ НҰРБАЕВ, ҚЫЗЫЛОРДА ҚАЛАСЫНЫҢ ТҰРҒЫНЫ.
Көпқабатты 84 пәтерлі үйдің барлығында жағдай осы дейді тұрғындар. Мердігерлер баспаныны салғанда жылу батареяларының секцияларын да үнемдеген дейді тұрғындар.
– Батареяның размері бірде жиырма ма, бір жарым ба білмейміз. Залда екі терезе бар екен, астында менің тісім сияқты төрт-ақ секция батарея қойып кетіпті. Ол деген кемінде он қою керек ғой анаған. — АЙШАГҮЛ НҰРМАХАНОВА, ҚЫЗЫЛОРДА ҚАЛАСЫНЫҢ ТҰРҒЫНЫ.
– Терезесінен салқын ұрып тұр. Жан-жағында пена жоқ, біздің левый берегте көріп тұрсыздар ғой қандай жел екенін, қатты жел. Түнде ұйықтауға мүлдем мүмкіндік жоқ. — дейді АЙДАНА КӨЛСЕЙІТОВА, ҚЫЗЫЛОРДА ҚАЛАСЫНЫҢ ТҰРҒЫНЫ.
Ал, үйді салған мердігерлер болса жылуға жауапты емеспіз деп ақталды. Көпқабатты үйдің терезелері дұрыс қапталмады деген уәжді дегенімен мойындады. Қазіргі кезде пәтер иелеріне барынша көмек беруге тырысып жатқан көрінеді. Жеті қабатты су жаңа үйдің осындай хәлге жетуіне тапсырыс беруші қалалық құрылыс бөлімі кінәлі дейді құырылысшылар.
– Бір қыс, бір жаз ол ешқандай тұрғынсыз тұрған үй енді өздеріңіз білесіздер қандай ғимарат болса да ол ішінде жылу болмаса, вентиляция болмаса ол өзінен өзі жәймен проблемалары шыға бастайды. Себебі физиканың заңын ешкім жоққа шығарған жоқ. — МАНАРБЕК ЕСПЕНБЕТОВ, ҚҰРЫЛЫС ҚОМПАНИЯСЫНЫҢ БАС ДИРЕКТОРЫ.
Мердігерлер бұл көпқабатты үйдің құрылысын 2024 жылдың мамыр айында бітіріп бергенбіз дейді. Алайда тапсырыс беруші — қалалық құрылыс бөлімі су жаңа пәтерлерді бір жылдан кейін ғана қызылордалықтарға табыстаған. Жаңа жыл қарсаңында мерекеге дайындықпен емес жылу батареяларымен арпалысқан тұрғындар болса қатты аязда жағдайымыз не болады деп сары уайымға салынып отыр.
