Мәжіліске аудандық мәслихат төрағасы, аудан әкімінің орынбасарлары, «AMANAT» партиясы аудандық филиалының атқарушы хатшысы, дербес бөлім басшылары, сондай-ақ кент және ауылдық округ әкімдері қатысты.
Мәжіліс барысында ауданның әлеуметтік-экономикалық даму көрсеткіштері, салалық жұмыстардың орындалу барысы және тұрғындар үшін өзекті мәселелер қаралды. Сонымен қатар, кадрлық өзгерістер таныстырылып, Иіркөл ауылдық округінің жаңадан сайланған әкімі Ниязов Қанағат Ербайұлы қызметіне ресми кірісті.
Ниязов Қанағат Ербайұлы 1977 жылы Шиелі ауданында дүниеге келген. Жоғары білімді, заңгер мамандығын меңгерген. Еңбек жолын кеден саласында бастап, осы бағытта түрлі жауапты қызметтер атқарған тәжірибелі маман.
Мәжілісте 2025-2026 оқу жылының қорытындысы, ұлттық бірыңғай тестілеуді ұйымдастыру, оқушылардың жазғы демалысын тиімді өткізу және балалар қауіпсіздігін қамтамасыз ету мәселелері кеңінен талқыланды. Аудан әкімі білім беру саласына ерекше тоқталып, жазғы демалыс жұмыстарын сапалы үйлестіру бойынша нақты тапсырмалар жүктеді.
Сонымен қатар, «Таза Қазақстан» республикалық экологиялық акциясы аясындағы жұмыстар пысықталып, елді мекендердің тазалығы мен абаттандыру жұмыстарын күшейту қажеттігі айтылды.
Мәжіліс қорытындысында аудан әкімі Айтбай Жандарбеков күн тәртібіндегі барлық мәселелер бойынша нақты тапсырмалар беріп, олардың уақытылы әрі сапалы орындалуын қатаң бақылауға алуды тапсырды.
@Шиелі ауданы әкімінің баспасөз қызметі.
