Спартакиаданың ашылуына Сыр шахарының аңыз жаттықтырушысы, «Құрмет», «Парасат» ордендерінің иесі, ауыр атлетикадан Қаз КСР бірнеше мәрте чемпионы және рекордшысы, ауыр атлетикадан КСРО спорт шебері, өңіріміздің құрметті азаматы– Вилорий Викторович Пак, «Құрмет» орденінің иегері, ҚР Еңбек сіңірген жаттықтырушысы, «Ауыл» партиясының Қызылорда облыстық филиалының төрағасы – Мұстафаев Садық Шоңмұрынұлы, облыстық «Сыр жастары» орталығының директоры – Алиби Басаров пен өнерпаз жастар қатысты.
Вилорий Пак сотталған азаматтарға өзінің еңбек жолынан сыр шертіп, тарихи оқиғаларымен бөлісті. Садық Шоңмұрынұлы жазасын өтеп жатқан адамдарға кәсіби біліктілігімен бөлісті. Алдағы спорттық шараға сәттілік, күш-жігер тіледі.
Жазғы спартаиаданы мекеме басшысының тәрбие ісі жөніндегі орынбасары, әділет подполковнигі А.Өскенбаев салтанатты түрде ашып, сспорттық шараның маңызы мен мақсатына тоқталды. Ашылу салтанаты әрі қарай жастар орталығынан келген өнерпаз жастардың ән-күйімен жалғасты.
Мекемеде жазасын өтеп жатқан азаматтар тарихи тұлғалардан тағылым алып, көңілді кештің куәсі болды.
Рәпіш ТӨЛЕП
ҚАЖД №60 мекеменің баспасөз қызметі
