Бұл игі бастама ардагерлердң құрметтеп, халқымыздың бай тарихи-мәдени мұрасын көзбен көріп, рухани танымын кеңейту мақсатында ұйымдастырылды.
Сапар барысында ардагерлер алдымен ұлт руханиятының мәңгілік символына айналған Қорқыт ата мемориалдық кешеніне аялдап, тағзым етеді. Одан әрі қасиетті мекендер – Қожа Ахмет Ясауи мен Арыстан баб кесенелеріне зиярат жасап, Түркістан өңіріндегі бірқатар тарихи-мәдени және киелі орындарды аралады.
Сонымен қатар арнайы әзірленген танымдық бағдарламаларға қатысып, өңірдің өткені мен бүгінгі тыныс-тіршілігі жайында мол мағлұмат алды.
Ұрпаққа өнеге болып жүрген ардагерлеріміздің бұл сапары олардың рухани дүниесін байытып, халқымыздың тарихи мұраларымен тереңірек танысуына мүмкіндік беретін тағылымы мол іс-шара болды деуге болады.
