Іс-шараның мақсаты – мемлекеттік қызмет саласындағы заңнаманың жаңа талаптарын түсіндіру, мемлекеттік қызметшілердің құқықтық сауаттылығын арттыру және заң талаптарының сақталуын қамтамасыз ету.
Кездесу барысында мемлекеттік қызметте белгіленген шектеулерді сақтау, кәсіпкерлік қызметпен айналысуға және коммерциялық ұйымдарды басқаруға қатысуға жол бермеу, мүдделер қақтығысының алдын алу, оның туындау себептері мен оны реттеу тәртібі жан-жақты түсіндірілді.
Сонымен қатар, мемлекеттік қызметшілердің қызметтік әдеп нормаларын сақтау, адалдық, ашықтық және заң үстемдігі қағидаттарын басшылыққа ала отырып қызмет атқаруының маңыздылығы атап өтілді.
Мемлекеттік қызметшілер тарапынан қойылған сұрақтарға тиісті түсіндірмелер беріліп, мемлекеттік қызмет саласындағы заңнама талаптарын сақтау мәселелері кеңінен талқыланды.
Сырдария ауданы әкімінің баспасөз қызметі
