2025 жылы негізгі дақыл күріш 5 мың 636 гектарға егіліп, әр гектардан 42,8 центнерден өнім алынып, 24 мың 124 тонна күріш жиналды.
Биыл аудан дихандары 12 мың 245 гектарға ауыл шаруашылығы дақылдарын екті, оның ішінде күріш 2447 гектар.
Атап айтқанда, дәнді дақылдар 2837 га, майлы дақылдар 196 га, картоп, көкініс, бақша 2293 га, мал азықтық дақылдар 7119 га.
Президент Жолдауында көрсетілген агроөнеркәсіп кешенінде су үнемдеу технологияларын енгізу мәселесіне байланысты егін шаруашылықтарында су үнемдеу технологияларын енгізу, су тапшылығы жағдайында өнімділікті төмендетпеу мақсатында егіс алқаптарын әртараптандыру жұмыстары қолға алынуда.
2026 жылы сол жағалау алыбының 1-ГД, 2-ГД, К-3-2 коллекторлар жүйесін қайта жаңғырту мақсатында республикалық бюджеттен жұмысын бастауға 801,8 млн. теңге (жоба құны 2 млрд. 589,5 млн.тг) және «Нартай» каналына механикалық тазалау жұмыстарына 179,2 млн. теңге қаржы бөлініп, жұмыстар жүргізілуде.
