удан әкімі Алмасбек Есмаханов тазалық мәселесін әрдайым назарда ұстап, осы бағытта атқарылатын жұмыстарға ерекше көңіл бөлуде. Тазалық – тек қоғамдық жұмыс емес, әрбір азаматтың жауапкершілігі екенін айта отырып, аудан әкімі осы бағыттағы шаралардың маңыздылығын үнемі атап өтеді.
Бүгінгі аудан орталығында ұйымдастырылған «Таза Қазақстан» экологиялық акциясы аясында өткен тазалық жұмыстарына Әйтеке би кентіндегі барлық мекеме, кәсіпорын қызметкерлері, аудан жастары мен «Жасыл ел» жастар жасағы белсене қатысып, санитарлық тазалық жұмыстарының жүргізілуіне өз үлестерін қосты.
Аудан орталығы – Әйтеке би кентінде жүргізілген тазалық жұмыстары барысында «Қазалы мәдени-демалыс кешені», Т. Бөріқұлақов көшесі, Батыс теміржол өткелі мен Т. Бөріқұлақов көшесінің бойы Қ.Пірімов сынды орталық көшелерде бей-берекет өскен шөптер шабылып, бағаналарды сырлау, қоқыстардан тазарту жұмыстары жүргізілді.
Таза әрі көрікті орта қалыптастыру – баршамызға ортақ міндет. Осы бағыттағы жұмыстар аудан тұрғындарының ауызбіршілігімен, туған жерге жанашырлығымен алдағы уақытта да жалғасып, елді мекендердің санитарлық жағдайын жақсарту мен ауданның көркін арттыруға бағытталған шаралар тұрақты түрде жүзеге асырыла беретін болады.
