28 қаңтар күні мектеп оқушылары Интергельпо көшесінде орналасқан қоқыс контейнерінен жаңа туылған сәбиді тауып алып, полиция шақырған. Бұл туралы Ленин ауданы ІІБ баспасөз қызметі 24.kg басылымына хабарлаған.
«Бала пакетке оралған күйі қоқыс контейнеріне тасталған. Қазіргі уақытта нәресте ауруханада жатыр», – делінген хабарламада.
Құқық қорғау органдары нәрестенің анасын анықтауда. Қылмыстық іс қозғалды.
Денсаулық сақтау министрлігінің мәліметінше, табылған бала – қыз.
P.S. Дәрігерлер сәбидің шала туылғанын және қатты тоңып қалғанын анықтады. Қазіргі уақытта сәби қалалық балалар клиникалық ауруханасының жансақтау бөлімінде жатыр.
