Ол өз сөзінде ер мен әйел тұрмыстан бөлек ортақ бір іспен шұғылдануы керек екенін нықтап айтты.
«Үйленгеннен кейін махаббат қайда кетеді? Маған ең жиі қойылатын сұрақтардың бірі осы. Қыздар, махаббатты өлтіретін тұрмыстың өзі екен. Қаншама отбасының трагедиясын зерттегеннен кейін оны нық сеніммен айта аламын.
Қарым-қатынас ол тек қана бала, туыс, үй емес. Мәселен, мені күйеуіммен біріктіретін тағы да бір тақырып бар. Ол – жүзу. Күйеуім тыныш адам, өзі жайлы айтқанды ұнатпайды. Бұл жайлы айтпаушы едім, бірақ өзге отбасыларға ой салар деген үмітпен күйеуімді көндірдім.
Аптасына екі мәрте бассейнге барып жаттығамыз. Жаттығудан шыққаннан кейін дауласуға мұршаң да, шама-шарқың да болмайды екен. Әңгімеміз кроль, брасс, баттерфляйді талқылаумен өтіп жатыр. Жүзуді үйреніп қана қоймай, алдымызға үлкен мақсат қойдық. Яғни, oceanman болу. Дубайда өткен жарыста 1,5 шақырымды бағындырдық. Одан кейін Италияда 5-км-ді жүзіп өттік», — дейді Дина Төлепберген.
Ол сөзін жалғай отырып, ер мен әйелдің мақсаты ортақ болуы керек екенін тілге тиек етті.
PS. «Түсінгенім, сезімге жаңа эмоциялар мен ашық бояулар керек екен. Сондықтан бірге жүзіңіз. Жүзбеймін десеңіздер жүріңіздер, жүгіріңіздер, билеңіздер, бірге кітап оқыңыздар. Өмір – ортақ мақсатпен көркем», — дейді тележүргізуші.
