Оқиға кеше таңғы уақытта болған. Төрт бүлдіршінді балабақшаға алып бара жатқан тасымал көлігі автобуспен соқтығысқан. Кесірінен балалар отырған жеңіл автобмиль жапырылып қалған. Ал ұл-қыздардың қауіпсіздігіне бей-жәй қараған жекеменшік білім беру ұйымының өкілдері әзірге пікір білдірмеді. Десе де полиция қылмыстық іс қозғап, тергеу жүргізіп жатыр. Қазір ауруханада жатқан 3 және 4 жастағы ұл мен қыздың жағдайы әлі де қиын дейді дәрігерлер. Ал тағы екі бүлдіршін медицина мамандарының тексеруінен кейін үйіне жіберілген.
-Қазір екі бала реанимация бөлімінде ем алуда. Жағдайлары ауыр, тұрақсыз. Дененің көптеген жарақаттарын алған. Оның ішінде бас ми шайқалуы диагноздары да бар, — дейді Қызылорда облыстық көпбейінді балалар ауруханасы бас дәрәгерінің орынбасары Гүлнұр Өкісікбаева
PS.Полиция ЖКО бойынша тергеу жүргізуде адамдардың денсаулығына ауыр зиян келтiруге әкеп соққан жол жүрісі қағидаларын бұзу дерегі бойынша тергеу әрекеттері жүргізілуде.
Тергеу қорытындысымен тиісті процессуалдық шешім қабылданатын болады.
Полиция қызметкерлері жүргізушілерді тағы да сақ болып, жол ережесін сақтауға шақырады. Өз қауіпсіздігіңізді қадағалап қана қоймай, басқа жол қозғалысына қатысушылардың тәртібін де ескеру маңызды.
фото:depositphotos.com
