Жұмыссыз қалған бизес өкілдері шенеуніктер баста берген уәдесінде тұрмады деп ашулы. Оның үстіне парк басшысы қазір саябақтағы сауда нүктелерін тек өзінің тума-туыстарына үлестіріп жатыр дейді.
Бұған дейін қалалық паркте кәсібін дөңгелетіп келген жандар бір сәтте жұмыссыздар қатарына қосылды. Айуларынша шенеуніктер саябақтың жөндеу жұмыстары біткен соң орындарыңа қайта келесіңдер деп уәдені үйіп-төккен. Соған сенген бизнес өкілдері аттракцион, дүңгіршектерін жинап, үйлеріне алып кеткен. Алайда бір ай бұрын демалыс орыны ашылғанда, басшылар уәдеден тайқып, 50-ден аса кәсіпкер сан соғып қалдық деп күйінеді.
-Менде кафе болған, и общественный туалет болған. Кафені де, туалетті де бұзып алып кеттім. Үйде мусор болып жатыр. Көпбалалы ананы қолдаймыз деп айтып жатыр. Қайда сол. Ешкім көмектесіп жатқан жоқ, — дейді Айнұр БАЙМАХАНОВА, Қызылорда қаласының тұрғыны.
Ал басшы тұрақты жұмыстан айырылған бізді емес, өзінің туыстарын саябақтағы кәсіпкерлік нысандарға тартып жатыр деп ашулы.
-Бізді саябақтан қуып шыққандай болып отыр. Қаншама жыл еңбегіміз зая кетті. Не уәделерінде тұрмады. Баста көмек береміз деген еді. Ал жаңа сауда нүктелеріне директордың туыстары келіп жатқанын барлығы біледі, — дейді Ирина Ададурова, Қызылорда қаласының тұрғыны.
Ал саябақ әкімшілігінің өкілдері кәсіпкерлердің уәжін жоққа шығарады. Айтуларынша тамақтануға арналған дүңгіршектер аукцион арқылы жалға беріледі.
-Заңда жоқ қой. Бұрынғы кәсіпкерлер қайта келіп отыру деген. Е-Қазына сайтына салды. Содан әрі қарай қарастырып, кім ұтады сол кісіге келіп отыра береді. Мемлекеттің аттракциондары болғандықтан, қазір парк аумағына жеке кәсіпкердің заттары кірмейді, — дейді Нұржан Ақышев, Қызылорда қалалық мәдени және демалыс паркінің заңгері.
PS. Соның кесірінен қыруар қаржыға алған аттракциондар ауламызда тұрып, тоз-тоз болды дейді кәсіпкерлер. Сондықтан ең болмаса, шенеуніктер шығынымызды өтеуі тиіс деп талап етеді.
Фото: aiqyn.kz
