Жасөспірімді жоғары кернеулі электр тогы соққан, салдарынан ол күйік жарақатын алған. Оқиға орнына жедел жәрдем бригадасы дереу жетіп, зардап шеккен балаға медициналық көмек көрсетті. Қазір оның өміріне қауіп жоқ.
«Теміржол – жоғары қауіпті аймақ. Жолға рұқсатсыз кіру немесе жылжымалы құрам маңындағы кез келген әрекет өмір мен денсаулыққа аса ауыр зардаптар әкелуі мүмкін», – деп ескертті «Қазақстан темір жолы» компаниясының өкілдері.
Қазіргі таңда бұл факті бойынша қызметтік тергеу амалдары басталды. Жасөспірімнің пойыз төбесіне қалай көтерілгені және қауіпсіздік талаптарының сақталу-сақталмауы анықталуда.
Фото:«Жолаушылар тасымалы» АҚ баспасөз қызметі
