Әлеуметтік желіде жарияланған видеодан құбырдан қатты қысыммен су атқылап жатқанын көруге болады.
Әуежайдың баспасөз қызметі Астана әуежайының халықаралық терминалының бірінші қабатында құбыр жарылғанын растады.
«2025 жылдың 27 шілдесі күні сағат 19:36-да Астана әуежайының халықаралық терминалының бірінші қабатында су құбыры зақымданды. Мамандар ақауды 20 минут ішінде жойды», — деп жазылған хабарламада.
Компанияның мәліметінше аталған оқиға әуежай жұмысына әсер еткен жоқ.
«Рейстердің кешігу немесе тоқтатылу фактілері тіркелген жоқ. Әуежай қалыпты режимде жұмыс істеп жатыр», — деп толықтырды әуежай қызметкерлері.
Фото: nn-airport.kz
