Шараның мақсаты – жастардың экологиялық сауаттылығын арттыру, табиғатқа жанашырлықпен қарауға тәрбиелеу, сондай-ақ қоршаған ортаның тазалығын сақтауға бағытталған еріктілер қозғалысын дамыту.
Сайысқа жалпы саны 100 жас қамтылды. Олар 10 адамнан тұратын командаларға бөлініп, белгіленген аумақта тазалық жұмыстарын жүргізді. Әр командаға қоқыс жинауға 1 сағат уақыт және 30 дана қап берілді.
Сайыс нәтижесінде қатысушылар тарапынан барлығы 1 тонна 335 килограмм қоқыс жиналып, 250 қап қоқыс шығарылды. Қоқыс көлемі мен сапасы арнайы бағалау критерийлері бойынша (жинау жылдамдығы, сұрыптау деңгейі, белсенділік және салмақ) есептелді.
Сайыс қорытындысы бойынша жеңімпаздар төмендегідей алдағы қорытынды шарада марапатталады :
• 🥇 І орын – 90 000 теңге
• 🥈 ІІ орын – 70 000 теңге
• 🥉 ІІІ орын – 50 000 теңге
Экологиялық бағыттағы бұл шара жастардың табиғатқа деген жауапкершілігін арттырып, олардың қоғам өміріне белсене араласуына ықпал етті.
