Мерекелік шараға аудан әкімінің орынбасары Дәурен Тлеумбетов қатысып, жас буын өкілдерін мерекелерімен құттықтады.
— Бүгінде қоғамның әрбір саласында белсенді жастар жетерлік. Өзінің ауқымды жұмыстарымен, қарқынды қимылдарымен еліміздің дамуы мен гүлденуіне үлес қосып жүрген жастар біздің өңірімізде де жетіп-артылады. Бүгінгі таңда аудан жастарының саны 23 532 болып, жалпы халық санының 29,7 пайызын құрап отыр. Жастар білімнің биігін бағындырып, әрісі шет елдерде, берісі өздерін жалпақ жұртқа көрсетіп жүр. Спортта да, мәдениет-білім сайыстарында да елді әлемге танытып жүргендердің де басым бөлігі жастар. Олардың әрқайсысы өз ортасының көшбасшысы. Әрбірінің қоғамда өзінің орны бар. Өресі биік, рухы мықты өңір жастарын мерекемен шын жүректен құттықтаймын, — деген аудан әкімінің орынбасары аудандағы түрлі шараларда, қоғамдық жұмыстарда белсенділігімен дараланып жүрген бірқатар жастарға аудан әкімінің міндетін атқарушы Жалғас Сүйеубаевтың «Алғыс хатын» табыстады.
Мұнан соң мерекелік шараға жиналған көпшілік өнерлі жастармен аудан өнерпаздарының мерекелік концертін тамашалады.
