Трамп Путинмен белгілі бір келісімге кел келе алмағанын жеткізді.
«Біз көптеген мәселелер бойынша келісімге келдік. Алайда әлі толық шешілмеген маңызды бірнеше тармақ бар. Бірақ біз белгілі бір жолды еңсердік. Әзірге келісім жоқ», – деді Трамп.
Соған қарамастан, Трамп әңгіме өнімді өткенін айтты.
«Бүгін біз үлкен жетістікке жеттік», – деді ол.
Өз кезегінде Владимир Путин АҚШ делегациясымен өткен келіссөздерді пайдалы әрі мазмұнды деп атады. Ол екі ел арасындағы қарым-қатынастың жақсара бастағанын, «жаңа парақ ашуға» және келесі кездесуді Мәскеуде өткізуге шақырды.
Путин мен Трамп арасындағы келіссөздер аяқталды. Кездесу «үшке үш» форматында өтті және үш сағатқа созылды. Ресей тарапынан келіссөзге сыртқы істер министрі Сергей Лавров пен президенттің көмекшісі Юрий Ушаков қатысты. Ал АҚШ тарапынан мемлекеттік хатшы Марко Рубио мен арнайы өкіл Стив Уиткофф болды. Делегациялар тар құрамда Украинадағы қақтығысты бейбіт жолмен реттеу мәселесін талқылады.
Кездесу қорытындысы бойынша Путин Трампқа Аляскаға шақырғаны үшін алғыс айтып, оның тарихи мұрасы АҚШ-пен байланыстарды қалпына келтіруге септігін тигізетінін айтты.
Украина президенті Владимир Зеленский саммитке қатысқан жоқ. Келіссөздерден кейін Трамп оған телефон соқты.
Fox News деректеріне сәйкес, әңгімеге еуропалық көшбасшылар да қатысқан. Өз кезегінде Путин Украина мен Еуропа тарапынан келіссөздерге «ешқандай кедергі жасалмайды» деген үмітін білдірді.
Фото: AP
