Бүгінгі таңда Қызылорда облысының санитариялық-эпидемиологиялық бақылау департаментінің бақылауында 203 сумен жабдықтау объектісі бар, оның ішінде 186 орталықтандырылған жүйелердің су құбырлары және 17 орталықтандырылмаған сумен жабдықтау объектілері.
2025 жылдың 1-ші жартыжылдығында орталықтандырылған сумен жабдықтау объектілерінен микробиологиялық көрсеткіштерге 966 су сынамасы алынып, оның 7-еуі талаптарға сәйкес келмеді, сай келмейтін сынамалардың үлес салмағы — 0,7 пайызды құрады (талаптарға сай келмейтін сынамалар Жалағаш ауданында және Қызылорда қаласында).
Ауыз судың санитариялық-химиялық көрсеткіштеріне 919 сынама алынып, оның 46-нда сәйкессіздік анықталды, сай келмейтін сынамалардың үлес салмағы 5 пайызды құрады (облыстық көрсеткіштен жоғары Жалағаш ауданында — 8,1%, Қызылорда қаласында — 27%). Санитариялық-химиялық көрсеткіштер бойынша сәйкессіздік көбіне құрғақ қалдық, хлоридтер бойынша нормадан жоғары анықталды.
Сәйкес келмейтін үлгілердің барлық фактілері бойынша басқару шешімдерін қабылдау үшін жергілікті атқарушы органдарға және су пайдалану объектілерінің шаруашылық жүргізуші субъектілеріне ақпарат жоданды.
Облыс көлеміндегі барлық орталықтандырылған сумен жабдықтау объектілерінде жуу тазалау және дезинфекциялау жұмыстары толығымен жүргізілді.
Гульмира Сыздыкова
Қызылорда облысының СЭБД басшысы
