Жол көлік оқиғасы орын алған кезде 8-орындық Альфардтың ішінде 2-5 аралығындағы 17 бүлдіршін болғаны белгілі болды. Кішкентай балаларды көлік жүргізушісі бөбекжайдан үйлеріне алып келе жатқан екен. Жол көлік оқиғасына кімнің кінәлі екені әзірге белгісіз, жол полициясы тексеруді бастап кетті. Екінші Опель көлігінде де кәмелет жасына толмаған екі оқушы болған. Шошынып, жарақат алған бүлдіршіндердің барлығы облыстық балалар ауруханасына жеткізілді.
— Жас айырмашылықтары 3 жас пен 13 жас аралығында. Балалардың көп болуына байланысты қосымша дәрігерлер мен мейірбикелер шақыртылды. Балалар толық тексеруден өткізіліп, инструменталды зерттеулер жасалып, жараларына тану жасалды. Оның ішінде көбісі бас жарақатымен, дененің көптеген соғылған, сыдырылған жарақаттары. Жағдайларының жақсы болуына байланысты барлығы амбулаторлық емге қайтарылды.- дейді ДӘУІРЖАН ЫДЫРЫС, ОБЛЫСТЫҚ КӨПБЕЙІНДІ БАЛАЛАР АУРУХАНАСЫНЫҢ ТРАВМАТОЛОГЫ.
