Мәжіліске ауданға жұмыс сапарымен келген Қызылорда облысы бойынша Статистика департаменті басшысының орынбасары Айбек Жантөреұлы мен департаменттің ауыл шаруашылығы статистикасы бөлімінің бас маманы Ғалымжан Хайруллаұлы қатысып, аудан бойынша санақпен айналысып жатқан сала мамандарына тиісті түсіндірме жұмыстарын жүргізді.
— 2025 жылдың 1 тамызынан бастап аудан бойынша ұлттық ауыл шаруашылығы санағының онлайн кезеңі басталған болатын. Бірінші кезеңде аудан бойынша 1093 субъект онлайн санақтан өтіп, жалпы 1126 ауыл шаруашылығымен айналысатын субъект тіркеліп, бұл бағыттағы жұмыстардың орындалуы 97,1 пайызды құрап отыр. Бірінші кезеңге байланысты жұмыстарды
20 қыркүйекке дейін аяқтау жоспарланып отыр. Сондай-ақ 20 қыркүйектен бастап санақтың екінші кезеңі басталмақ.
Мәжіліс барысында жиынға қатысушылар мен аудан бойынша санақпен айналысып жатқан мамандар тарапынан сауалдар қойылып, департаменттен келген тиісті мамандар заңдылыққа сәйкес жауап берді.
