Ұлттық мерекеге орай ұйымдастырылған салтанатты шараға облыс әкімінің орынбасары Бахыт Жаханов пен аудан әкімі Алмасбек Есмаханов және зиялы қауым өкілдері, құқық қорғау органдарының басшылары, мемлекеттік қызметшілер, үкіметтік емес ұйым өкілдері мен белсенді жастар қатысты.
Азаматтардың бойына ерекше патриоттық көңіл-күй сыйлайтын іс-шараға 500-ден аса тұрғын келді.
Ұлттық мерекеге арналған жиында Мемлекеттік ту салтанатты түрде көтеріліп, Әнұранымыз шырқалды. Мұнан соң аудан өнерпаздары патриоттық әндер шырқап, жиылғандарға мерекелік көңіл-күй сыйлады.
Еске салайық, ұлттық мереке күні бірлігіміздің символы – көк байрағымызды көтеруге арналған патриоттық акция еліміздің барлық аймағында өтуде.
